Працоўныя мігранты ў 2020 годзе перавялі ва Украіну больш за $5 мільярдаў
- 4.08.2020, 16:37
- 11,212
Аб'ём грашовых пераводаў ва Украіну расце пасля значнага падзення ў траўні-красавіку гэтага года.
4 жніўня стала вядома, што сума грашовых пераводаў прыватных асоб ва Украіну за першае паўгоддзя склала $5,3 млрд, піша «Зеркало недели».
Сума пераводаў 2020 года на 3,8% меншая, чым за студзень-чэрвень 2019 года, паведамляецца на сайце Нацыянальнага банка Украіны.
Паводле інфармацыі рэгулятара, аб'ём грашовых пераводаў ва Украіну расце другі месяц запар пасля значнага падзення на $131 млн у красавіку (да $794 млн).
За травень ва Украіну паступіла $805 млн. У чэрвені - $856 млн.
Нацбанк удакладняе, што ў прыведзенай статыстыцы грашовых пераводаў улічваюцца як афіцыйныя каналы пераводаў - банкі і міжнародныя аплатныя сістэмы, - так і неафіцыйныя.
Так, паводле неафіцыйных каналаў ва Украіну грамадзяне перавялі $1,8 млрд.
Нагадаем, у траўні сума прыватных грашовых пераводаў ад працоўных мігрантаў ва Украіну была на ўзроўні $805 млн, гэта на $21 млн менш за красавіцкі ўзровень.
У параўнанні з траўнем 2019 года аб'ём грашовых пераводаў працоўных мігрантаў скараціўся амаль на 21% ($1 015 млн).
Усяго за пяць месяцаў працоўныя мігранты перавялі $4,54 млрд. З іх, паводле нефармальных каналаў, ва Украіну паступіла $1,83 млрд.