Арандатар трубаўкладчыка «Фартуна» адмовіўся ад удзелу ў будоўлі «Паўночнага струменю-2»

Судна магло дапамагчы дабудаваць газаправод.

Расейская кампанія «Межрегионтрубопроводстрой», якая арандуе баржу-трубаўкладчыкаў «Фартуна», не ўдзельнічае і не мае намеру ўдзельнічаць ва ўкладцы «Паўночнага струменю-2».

Пра гэта прадстаўнік кампаніі паведаміў у каментары РБК.

Судна «Фартуна» адпавядае тэхнічным патрабаванням для дабудоўвання газаправода.

Пры гэтым кампанія не з'яўляецца ўласнікам «Фартуны», але арандуе яе паводле дамовы для выкарыстання ў іншых праектах.

«Фартуна» 3 ліпеня атрымала дазвол дацкага рэгулятара на працу «як асобна, так і ў спалучэнні з судамі з дынамічным пазіцыянаваннем».

Само судна малапрыдатнае для ўкладкі глыбакаводных адцінкаў і не абсталяванае сістэмай дынамічнага пазіцыянавання, што зрабіла б кладку труб Фартунай вельмі павольнай і запатрабавала б дадатковых узгадненняў.

Разам з тым іншы расейскі трубаўкладчыкаў «Акадэмік Чэрскі» прыйшоў на Балтыку яшчэ два месяцы таму, але з тых часоў стаіць у нямецкім порце Мукран. Праца гэтых суднаў у тандэме магла б стаць развязаннем праблемы з укладкай, пасля таго як ЗША ўвялі санкцыі супраць кампаній, звязаных з «Паўночным струменем-2», і трубаўкладчык Allseas у снежні 2019 года выйшаў з праекта.