22 верасня 2020, aўторак, 4:27
Сім сім, Хартыя 97!
Рубрыкі

Пампэа едзе ў турнэ па краінах ЕЗ, каб абмеркаваць перадыслакацыю амерыканскіх войскаў

Пампэа едзе ў турнэ па краінах ЕЗ, каб абмеркаваць перадыслакацыю амерыканскіх войскаў
МАЙК ПАМПЭА
ФОТА: REUTERS

Дзяржсакратар ЗША наведае сталіцы краін Цэнтральнай і Усходняй Еўропы.

На наступным тыдні дзяржсакратар ЗША Майк Пампэа наведае сталіцы краін Цэнтральнай і Усходняй Еўропы, каб абмеркаваць перадыслакацыю амерыканскіх войскаў у Еўропе.

Пра гэта паведамляе «Еўрапейская праўда» са спасылкай на Politico.

Цяпер плануецца пачаць паездку з Прагі ў аўторак ці сераду, дзе Пампэа павінен сустрэцца з прэм'ер-міністрам Чэхіі Андрэем Бабішам. Сярод тэм перамоў таксама будуць сеткі 5G і Кітай.

Высокапастаўлены чыноўнік ЕЗ сказаў, што ў чацвер Пампэа адправіцца ў Славенію.

Іншы чыноўнік сказаў, што дзяржсакратар будзе ў Варшаве ў суботу і ягоны візіт супадзе са святкаваннем гадавіны Варшаўскай бітвы.

Аўстрыя - яшчэ адзін патэнцыйны прыпынак на шляху. Планы Дзярждэпу яшчэ не канчатковыя і ў іх могуць унесці змены.

Згодна з планам перадыслакацыі з Нямеччыны будзе выведзена агулам 11 900 чалавек, што прывядзе да скарачэння кантынгенту да 24 000 вайскоўцаў у краіне.

Астатнія 6 400 вайскоўцаў і іх сем'і вернуцца ў ЗША і пасля будуць праходзіць службу ў Еўропе адпаведна з прынцыпам ратацыі.

Таксама стала вядома, што частку вайскоўцаў маюць намер перадыслакаваць з Нямеччыны ў Італію і Бельгію. Прынамсі, 1000 вайскоўцаў ЗША адправяцца ў Польшчу.