Ілан Маск выпусціць новую Tesla

Бізнэсовец анансаваў выпуск міні-версіі электрычнага пікапа Cybertruck.

Tesla «з вялікай доляй верагоднасці» выпусціць міні-версію электрычнага пікапа Cybertruck. Пра гэта кіраўнік кампаніі Ілан Маск напісаў у Twitter у адказ на пытанне аднаго з падпісантаў, паведамляе lenta.ru.

Маск не вызначыў дакладных тэрмінаў выпуску новага электракара, заявіўшы, што ён можа з'явіцца «ў перспектыве». Чакаецца, што міні-версія Cybertruck будзе разлічаная на еўрапейскіх спажыўцоў, сярод якіх вышэй попыт на невялікія аўтамабілі. Гэта, між іншым, звязана з шырынёй аўтамабільнай паласы ў Еўропе.

Раней Маск у інтэрв'ю Automotive News заяўляў, што Tesla не збіраецца прадаваць свой пікап Cybertruck па ўсім свеце. Ён у асноўным разлічваўся на рынак Паўночнай Амерыкі. Калі продажы на радзіме ў ЗША не ўзляцяць, у Tesla ёсць запасны план па стварэнні «звычайнага» пікапа.

Tesla прадставіла электрычны пікап у канцы 2019 года. Галоўнай асаблівасцю аўтамабіля з'яўляецца яго футурыстычны дызайн, натхнёны навуковай фантастыкай. Са слоў Маска, Tesla не склікала ніякіх фокус-груп і не праводзіла даследаванні спажывецкіх пераваг па дызайне аўтамабіля, зрабіўшы яго на ўласны густ. Продажы Cybertruck, як чакаецца, пачнуцца ў 2021 годзе.