27 верасня 2020, Нядзеля, 1:35
Сім сім, Хартыя 97!
Рубрыкі

Кандыдатка на пасаду амбасадара ЗША ў Беларусі распавяла, як бачыць далейшае супрацоўніцтва з нашай краінай

4
Кандыдатка на пасаду амбасадара ЗША ў Беларусі распавяла, як бачыць далейшае супрацоўніцтва з нашай краінай
ДЖУЛІ ФІШАР
ФОТА: STATE.GOV (OFFICIAL WEBSITE)

Джулі Фішар мае намер звярнуць асаблівую ўвагу на правядзенне прэзідэнцкіх выбараў 9 жніўня.

Кандыдатка на пасаду амбасадара ЗША ў Беларусі Джулі Фішэр выступіла на слуханнях сенацкага камітэта ў замежных справах. Пра гэта паведамляецца на сайце камітэта, паведамляе tut.by.

У сваёй заяве Джулі Фішар адзначыла, што з нецярпеннем чакае працы ва ўмацаванні двухбаковых дачыненняў паміж ЗША і Беларуссю, а таксама ў падтрымцы намаганняў нашай краіны ў абароне суверэнітэту і незалежнасці перад абліччам беспрэцэдэнтнага палітычнага ціску, накіраванага на іх падрыў.

Адказваючы на пытанні сябраў камітэта, Джулі Фішар паведаміла, што працэс наладжвання стасункаў ЗША з Беларуссю не будзе хуткім і самае галоўнае цяпер - не ўбачыць ад уладаў нашай краіны крокаў назад у параўнанні з тым, што ўжо было дасягнута. Менавіта таму, з яе слоў, цяпер трэба звярнуць асаблівую ўвагу на правядзенне прэзідэнцкіх выбараў 9 жніўня. Фішар распавяла сябрам камітэта пра тое, што міжнародных назіральнікаў ад АБСЕ і Рады Еўропы на іх не будзе. Яна таксама адзначыла, што штат амерыканскай амбасады ў Беларусі занадта нешматлікі, каб весці сур'ёзнае назіранне за выбарчым працэсам. Аднак адзначыла, што ў нашай краіне існуе моцны рух за сумленныя выбары, арганізаваны самімі беларусамі, якія накіроўвалі шматлікія прапановы ў ЦВК, якія не былі пачутыя.

Фішар заявіла, што згодна з палажэннямі «Акту аб дэмакратыі ў Беларусі», але ў пытанні санкцый заклікала дзейнічаць асцярожна, назваўшы іх прыпыненне карысным інструментам на гэты момант. З яе слоў, існы ў яе досвед працы ў гэтай частцы свету падказвае, што ЗША патрэбны адкрыты дыялог з прадстаўнікамі розных узроўняў і галін улады, хоць «у Беларусі ёсць адзін чалавек, чыё меркаванне значыць больш за ўсё». Таксама на яе думку вельмі важная зладжанасць дзеянняў і падтрымка пазіцыі амбасады з Вашынгтона з боку уплывовых палітыкаў і дзяржсакратара Пампея.

Нагадаем, амерыканская амбасада ў Менску функцыянуе ва ўрэзаным складзе, без амбасадара з 2008 года. Спачатку быў усталяваны ліміт у пяць дыпламатаў, але паступова ён быў пашыраны да 10. Да прыезду новага амбасадара намеснік кіраўніка місіі Джэф Джук узяў на сябе ролю часовага паверанага.