19 верасня 2020, Субота, 5:27
Сім сім, Хартыя 97!
Рубрыкі

Алена Талстая: Беларускі народ ужо не будзе ранейшым

3
Алена Талстая: Беларускі народ ужо не будзе ранейшым
АЛЕНА ТАЛСТАЯ

Людзі масава вывешваюць у вокнах кватэр бел-чырвона-белыя сцягі.

Пасля выбараў ужо ні беларускі народ, ні рэжым цяперашняга кіраўніка Лукашэнкі не будуць ранейшымі. Пра гэта паведаміла актывістка і сустаршыня Руху салідарнасці «Разам» Алена Талстая, адказваючы на пытанне карэспандэнта APnews.

«Цяпер у Беларусі такая сітуацыя, што людзі вывешваюць у вокнах сваіх кватэр бел-чырвона-белыя сцягі і пад'язджаюць пад'ёмныя краны, каб гэтыя сцягі зняць. Каму яны перашкаджаюць? Гэта ж прыватная ўласнасць. Мы бачым, як моцна замінае Лукашэнку беларуская нацыянальная сімволіка. Зразумела, што цяпер такі момант, пасля якога ўжо ні беларускі народ, ні рэжым Лукашэнкі не будзе ранейшым», - адзначыла Талстая.