Святлана Ціханоўская і аб'яднаны штаб заклікаюць менчукоў прыйсці сёння а 19:00 у Кіеўскі сквер
41- 6.08.2020, 16:23
- 63,021
Толькі разам мы пабудуем краіну для жыцця.
Сёння, 6 жніўня, а 19:00, як грамадзяне Рэспублікі Беларусь Святлана Ціханоўская, Вераніка Цапкала і Марыя Калеснікава плануюць наведаць свята для ўсёй сям'і «Калейдаскоп творчасці» (дзень адчыненых дзвярэй устаноў дадатковай адукацыі), якое пройдзе ў Кіеўскім скверы, піша Telegram- канал «Мая краіна Беларусь».
Кіеўскі сквер - гэта адна з шасці пляцовак у Менску, дзе дазволеныя легальныя мітынгі, але ў апошні тыдзень гэтая і ўсе астатнія пляцоўкі імкліва займаюцца пад гарадскія мерапрыемствы.
Telegram-канал прапануе флэшмоб #рукиперемен
1. Прыходзім на мерапрыемства ў белых цішотках;
2. Роўна а 19.00 падымаем рукі з белымі стужачкамі і цягам хвіліны махаем імі.
Такім чынам мы:
- развітваемся са старой уладай;
- паказваем, што нас большасць;
- перадамо прывітанне ЦВК і ўсім членам выбарных камісій, даем зразумець, што мы ўсе сочым за іх дзеяннямі і патрабуем сумленнага падліку галасоў на выбарах.
3. Ідзем 8-га жніўня на канцэрты, арганізаваныя ўладай у Менску і ўсіх абласных гарадах, і паўтараем флэшмоб у той жа час, у тым жа фармаце.