Чытач тэлеграм-канала «Баста!»: Страйк пачнецца 10 жніўня

Гэта дапаможа нам перамагчы.

«Працоўныя, вы велізарная сіла, якая зрынае дыктатараў. Спыніце 10 жніўня заводы», – напісаў чытач тэлеграм-канала «Баста!».

«Я нарадзіўся ў пачатку 80-х у горадзе Менску, – піша чытач. – Рос у адным з самых няпростых раёнаў горада – Шабаны. Былі розныя часы, розныя ўспаміны, было і добрае, і дрэннае: піва з бочкі, марожанае за 20 капеек, здача шкляных бутэлек, застой і прадукты на талоны. Усё гэта было вынікам кіравання адной партыі, час, калі было толькі адно меркаванне, меркаванне кіроўнай эліты, якая жыравала, ні ў чым сабе не адмаўляючы.

Вам не нагадвае гэта 2020 год?

Мае бацькі ўсё жыццё адпрацавалі на заводзе і працуюць да гэтага часу. Будучы цяпер на пенсіі, яны не могуць не працаваць, бо пенсія – гэта бездапаможныя капейкі, і гэта за годна адпрацаваныя гады, велізарны стаж, працоўныя ўзнагароды і заахвочванні.

Мой лёс мог бы скласціся так сама, калі б я не пайшоў іншым шляхам. Пачынаючы свой працоўны шлях ад токара, фрэзероўніка, слесара МСР і дайшоўшы да дырэктара свайго невялікага прыватнага прадпрыемства. Але гэта адбылося не дзякуючы «цару», а дзякуючы першай сівізне ў 25 гадоў, бо весці хоць нейкі бізнэс у нашай краіне – гэта тая яшчэ “карусель” вечна зменных правілаў гульні.

Хачу звярнуцца да працоўных заводаў. Калі вы так жыць не хочаце, тады ўспомніце гісторыю – ні адно скіданне дыктатуры не адбывалася без удзелу працоўнага класу. Вы велізарная сіла, якая зрынае каралёў і дыктатараў.

Спыніце 10 жніўня заводы і фабрыкі, выйдзіце на плошчы сваіх гарадоў. Толькі адзінства ўсіх нас зможа пераламаць ход нашай гісторыі».

Сцягвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Баста» і стварайце гісторыю свабоднай Беларусі.