18 верасня 2020, Пятніца, 11:57
Сім сім, Хартыя 97!
Рубрыкі

Кіраўнік дыпламатыі ЕЗ Жазэп Барэль зрабіў важную заяву датычна Беларусі

15
Кіраўнік дыпламатыі ЕЗ Жазэп Барэль зрабіў важную заяву датычна Беларусі
ЖАЗЭП БАРЭЛЬ

Палітык выступіў у падтрымку мірных дэманстрантаў.

Вярхоўны прадстаўнік ЕЗ у замежных справах і палітыцы бяспекі Жазэп Барэль зрабіў заяву датычна сітуацыі ў Беларусі.

Прыводзім поўны тэкст заявы (пераклад – Charter97.org):

– Прэзідэнцкія выбары ў Беларусі адбудуцца ў гэтую нядзелю, 9 жніўня, і датэрміновае галасаванне ўжо пачалося.

У ходзе выбарчай кампаніі беларускі народ прадэманстраваў беспрэцэдэнтную палітычную мабілізацыю на карысць свабодных выбараў і дэмакратыі. Да цяперашняга часу мірная мабілізацыя грамадства была сустрэтая непрымальнымі далейшымі абмежаваннямі свабоды СМІ і сходаў, а таксама затрыманнямі мірных пратэстоўцаў, мясцовых назіральнікаў, журналістаў і актывістаў.

Суверэнітэт і незалежнасць краіны могуць быць умацаваныя толькі шляхам мірных, свабодных і справядлівых выбараў. ЕЗ па-ранейшаму заклікае беларускія ўлады забяспечыць выкананне асноўных свабодаў выказвання меркаванняў і мірных сходаў у адпаведнасці з міжнароднымі абавязальніцтвамі Беларусі.

ЕЗ заклікае беларускія ўлады гарантаваць рэалізацыю ўсіх палітычных правоў кандыдатаў, унікаць ужывання сілы супраць мірных дэманстрантаў, устрымлівацца ад далейшых затрыманняў назіральнікаў за выбарамі, мірных дэманстрантаў, кандыдатаў і чальцоў іх камандаў і неадкладна вызваліць усіх актывістаў, праваабаронцаў, блогераў і журналістаў, затрыманых паводле палітычных матываў.

ЕЗ па-ранейшаму прыхільнік умацавання ўзаемадзеяння з беларускім народам. Мы падтрымліваем незалежнасць і суверэнітэт Беларусі, у той час як правы чалавека і дэмакратыя застануцца ў цэнтры ўвагі ЕЗ пры фармаванні палітыкі ў дачыненні да краіны.