Лепс адмовіўся выступаць у падтрымку Лукашэнкі

Расейскі спявак не прыедзе ў Віцебск 8 жніўня.

Расейскі спявак Рыгор Лепс паведаміў, што не выступацьме ў Віцебску 8 жніўня. Пра гэта ён напісаў у каментары да відэа з конкурсу «Новая хваля-2019» на сваёй старонцы ў Facebook.

«Дарагія сябры! Канцэрту ў Віцебску 8 жніўня не будзе », - гаворыцца ў паведамленні.

«Ніякіх каментароў», - заявіў РБК дырэктар Лепса Уладзімір Урупін на просьбу пракаментаваць пастанову артыста.

На 8 жніўня, за дзень да прэзідэнцкіх выбараў, у гарадах Беларусі былі намечаныя канцэрты расейскіх артыстаў, у тым ліку Рыгора Лепса, Леаніда Агуціна, Уладзіміра Праснякова і гуртоў «Фабрыка», «Дыскатэка Аварыя», «Кар-Мэн» і «Краскі».

Напярэдадні, 6 жніўня, выканаўцы паведамілі, што запланаваныя канцэрты не адбудуцца. Як мы раней пісалі, пасля з'яўлення афіш з расейскімі выканаўцамі ім у сацыяльныя сеткі пачалі пісаць жыхары Беларусі з заклікам не падтрымліваць выступамі Лукашэнку. Ад удзелу адмовіліся Леанід Агуцін, гурты RASA, «Кар-Мэн», а таксама спявачка Аксана Кавалеўская з гурта «Краскі».