59% амерыканцаў не ўхваляюць працу Трампа

Апублікаваныя вынікі апытання.

За менш, чым тры месяцы да намечаных выбараў, рэйтынг адабрэння прэзідэнта ЗША Дональда Трампа прадаўжае зніжацца і цяпер амаль дасягнуў рэкордна нізкага ўзроўню за ўвесь час ягонай кадэнцыі, якая пачалася ў студзені 2017 года, паведамляе zn.ua.

Новае апытанне, праведзенае Pew Research, паказала, што ўзровень адабрэння Трампа на гнятлівым узроўні - 38%. Яшчэ 59% амерыканцаў не падбадзёрваюць ягонай працы.

Сярод прыхільнікаў рэспубліканцаў і тых, хто схіляецца да гэтай партыі, 77% ухваляюць дзейнасць Трампа. Толькі 5% дэмакратаў і тых, хто схіляецца да дэмакратаў, кажуць аналагічна.

Агенцтва Bloomberg перад гэтым пісала, што Трампу можа не выстарчыць часу, каб дагнаць Байдэна ў рэйтынгах і здзейсніць выбарчы камбэк.

Да выбараў у ЗША засталося не так шмат часу, а ў прэзідэнта Трампа, які спрабуе пераабрацца, пакуль няма шырокай падтрымкі выбарнікаў, таму і пачынае выкарыстоўваць ужо вядомую тактыку - адцягвае амерыканскую грамадскасць ад няўдач у барацьбе з пандэміяй.

Прагноз часопіса The Economist дае Байдэну 91% шанцаў на перамогу ў калегіі выбарнікаў і больш за 99% на перамогу ва ўсеагульным галасаванні. Звесткі апытанняў паказваюць упэўненую перавагу Байдэна над Трампам.

Аналіз звестак апытанняў, эканомікі і дэмаграфічных паказчыкаў для прагназавання выбараў у ЗША ў 2020 годзе паказвае, што Байдэн можа набраць 347 галасоў выбарнікаў. Гэта на 16 больш, чым у пачатку лета.

Для перамогі на выбарах прэзідэнта кандыдату неабходна набраць 270 галасоў з 538. І шанцы Байдэна толькі павялічваюцца. Трампу прагназуюць 191 голас калегіі. І крывая прэзідэнта ідзе ўніз.