26 верасня 2020, Субота, 23:57
Сім сім, Хартыя 97!
Рубрыкі

У Італіі пачалі выкарыстоўваць «вінныя вокны» для продажу напояў

2
У Італіі пачалі выкарыстоўваць «вінныя вокны» для продажу напояў

«Вінныя вокны» - вынаходніцтва часоў Сярэднявечча.

У Італіі ўпершыню за XXI стагоддзе запрацавалі «вінныя вокны» - вынаходніцтва часоў Сярэднявечча, якое выкарыстоўвалася падчас чумнай эпідэміі.

Такім чынам прадаўцы хочуць паменшыць рызыку заражэння каранавірусам. У 17 стагоддзі іх прыдумалі для таго, каб багатыя фларэнтыйцы маглі дзяліцца лішкамі віна з рабочым класам, піша Insider.

У 1630-х гадах Італію ахапіла эпідэмія чумы - менавіта тады іх упершыню выкарыстоўвалі для гандлю, каб прадухіліць распаўсюджванне хваробы. Людзі перадавалі тавар, а грошы прасілі пакласці ў паднос, дзе іх потым дэзінфікавалі воцатам.

3 стагоддзі іх так і выкарыстоўвалі для гандлю, але напачатку 20-га стагоддзя законы аб продажы алкаголю змяніліся, і пра вокны забыліся. А ў 1966 годзе, пасля моцнай паводкі, многія такія месцы былі зруйнаваныя і закінутыя.

«Гэтыя невялікія вокны былі камерцыйнай і сацыяльнай з'явай, унікальнай для Фларэнцыі і Тасканы. Хоць яны з'яўляюцца нязначнай культурнай спадчынай, тым не менш, гэта неад'емная частка Тасканы», - кажа Матэа Фаглія, прэзідэнт асацыяцыі Culturale Buchette del Vino.

Менавіта гэтая асацыяцыя ў 2016 годзе наважыла запусціць каталог, дзе яны захоўваюць месца, дзе ўсё яшчэ працуюць «вінныя вокны». Цяпер там блізу 150 пунктаў.

У 2020 гэты каталог вельмі нават спатрэбіцца - бо гэтыя вокны зноў сталі папулярнымі праз пандэмію каранавіруса. Мясцовыя бары, рэстарацыі, а таксама сем'і, якія робяць віно ў сябе дома, зноў пачалі іх выкарыстоўваць для продажу тавараў.