Неверагодныя курсы даляра і еўра: Што здарылася з валютай?
- 8.08.2020, 12:18
- 48,240
Беларускія банкі прыкметна паднялі курсы замежных грошай.
На афіцыйным гандлі з пяці замежных валютаў, за дынамікай якіх штотыдзень сочаць Naviny.by, тры дадалі ў вазе, дзве – страцілі.
На мінулым працоўным тыдні (3–7 жніўня) яны паказалі наступныя вынікі:
еўра ўпаў на 0,0019 пункта (з 2,899 да 2,8971 беларускага рубля);
даляр вырас на 0,0107 пункта (з 2,4375 да 2,4482 беларускага рубля);
расейскі рубель умацаваўся на 0,0093 пункта (з 3,3156 да 3,3249 беларускага рубля за 100 расейскіх);
злоты здаў пазіцыі на 0,0038 пункта (з 6,5615 да 6,5577 беларускага рубля за 10 злотых);
грыўна паднялася на 0,0602 пункта (з 8,7965 да 8,8567 беларускага рубля).
Але з учорашняга дня ў банках прыкметна паднялі курсы валютаў. У абменніках даляр вырас да 2,52 рубля, а еўра перавысіў 2,96 рубля, піша tut.by.
У абменніках выраслі курсы валютаў. Самы высокі курс продажу банкамі даляра дасягнуў 2,52 рубля, а еўра перавысіў адзнаку 2,96 рубля. 7 жніўня цягам дня назіраўся павышаны попыт на гатоўку, у некаторых банкаматах, аддзяленнях банкаў і абменніках не хапала як валюты, так і беларускіх рублёў. У адным з сістэмаўтваральных банкаў звязалі ажыятаж з гатоўкай з датэрміновай выплатай пенсій.
Вышэйшы за ўсё курс продажу банкам даляра – 2,52 рубля (Тэхнабанк), а ніжэйшы за ўсё – 2,49 рубля (Белаграпрамбанк).
Найбольш выгодна здаваць амерыканскую валюту цяпер у Тэхнабанку – 2,47 рубля.
Вышэйшы за ўсё курс продажу банкам еўра – 2,965 рубля (Тэхнабанк і Альфа-Банк), а ніжэйшы за ўсё – 2,93 рубля (Беларусбанк, Белаграпрамбанк і Статусбанк).
Курс набыцця банкам еўра выгоднейшы за ўсё цяпер у Тэхнабанку – 2,9 рубля.