ЕЗ скараціў спіс краінаў, з якіх дазволены ўезд
1- 8.08.2020, 12:43
- 21,474
Хто цяпер можа свабодна прыбываць у еўразону?
Еўрапейскі звяз выключыў Марока з спісу краінаў, жыхарам якіх дазволены ўезд з неістотнай мэтай.
Пра гэта паведамляе "Еўрапейская праўда" са спасылкай на пастанову Рады ЕЗ.
Рада ЕЗ пакінула 10 краінаў у "бяспечным" спісе, які пачынае дзеянне 8 жніўня. На мінулым тыдні ЕЗ выключыў з пераліку бяспечных Алжыр.
З гэтага часу ўезд у ЕЗ дазволены з такіх краінаў, як Аўстралія, Канада, Грузія, Японія, Новая Зеландыя, Руанда, Паўднёвая Карэя, Тайланд, Туніс і Уругвай.
З Кітая таксама дазволены ўезд, але ў выпадку скасавання аналагічных абмежаванняў для жыхароў ЕЗ уладамі КНР.
Украіна і надалей застаецца ў спісе краінаў, з якіх уезд у ЕЗ дазволены толькі ў асобных выпадках.
Беларусь у "бяспечны" спіс не ўваходзіць.
Крытэрыі вызначэння трэціх краінаў, жыхарам якіх уезд у ЕЗ будзе дазволены, уключаюць, сярод іншага, эпідэміялагічную сітуацыю і захады стрымлівання каранавірусу, як сацыяльнае дыстанцыяванне, а таксама эканамічныя і сацыяльныя аспекты.
Датычна эпідэміялагічнай сітуацыі, у трэціх краінах, для якіх абмежаванні на ўезд скасоўваюцца, колькасць новых выпадкаў COVID-19 за апошнія 14 дзён і на 100 000 жыхароў павінна быць блізкай да сярэдняга паказніку ў ЕЗ або ніжэйшай.