«СерпомПо»: Мае значэнне толькі выхад 9 і 10 жніўня мільёнаў грамадзян Беларусі на вуліцы

Астатняе няважна.

«Я выключаю тэлевізар, я пішу табе ліст аб тым, што больш не магу глядзець на дзярмо...»

Радкі песні «Кіно» лепш за ўсё перадаюць уражанне ад таго, што творыць у апошнія дні звар’яцелы, спалоханы дыктатар Лукашэнка, піша вядомы тэлеграм-канал «СерпомПо».

Забароны мітынгаў, затрыманне начальніка штаба Ціханоўскай з ідыёцкімі засцярогамі, арышт дыджэяў за тое, што яны ўключылі на грамадскім мерапрыемстве «Мы чакаем пераменаў», арышт і выгнанне з краіны журналістаў «Настоящего времени», а цяпер вось новыя рэкорды ў намаляваным ашуканцамі на службе Лукашэнкі «датэрміновым галасаванні».

Выяўляецца, што на «датэрміновых выбарах» ужо накідалі траціну галасоў выбарнікаў - 32%!

Усё гэта не будзе мець значэння, калі 9 і 10 жніўня мільёны грамадзян Беларусі выйдуць на вуліцы, запатрабуюць адстаўкі дыктатара.

Вось і паглядзім, хто пойдзе абараняць Лукашэнку. Дзе гэтая ягоная маляваная падтрымка.