Грузія заявіла аб поўнай гатоўнасці да ўступлення ў NATO

Краіна мае намер развіваць супрацоўніцтва з заходнімі краінамі.

Грузія мае намер развіваць супрацоўніцтва з заходнімі краінамі і NATO, заявіў у 12-ю гадавіну пачатку пяцідзённай расейска-грузінскай вайны прэм'ер-міністр рэспублікі Георгій Гахарыя, піша dw.com.

«Мы прадаўжаем паглыбляць партнёрства ў нашых стратэгічных кірунках - гэта NATO, ЗША і Еўразвяз. Сёння Грузія цалкам гатовая да ўступлення ў NATO. Гэта бачаць і цэняць нашы партнёры. Гэта працэс, і мы абавязкова давядзем яго да канца», - указаў Гахарыя ў суботу, 8 жніўня.

Ён падкрэсліў, што еўраатлантычная інтэграцыя і мірнае развіццё краіны з'яўляюцца абавязковай умовай аднаўлення тэрытарыяльнай цэласнасці Грузіі. Гахарыя і прэзідэнт краіны Саламэ Зурабішвілі ў той жа дзень усклалі вянкі да магіл загінулых у жніўні 2008 года вайскоўцаў.