OPEC пагоршыла прагноз сусветнага попыту на нафту

Чаканні попыту пагоршаныя ў сувязі са слабымі эканамічнымі звесткамі з краін Азіі.

OPEC пагоршыла прагноз падзення сусветнага попыту на нафту ў 2020 года на 0,4 млн барэляў за дзень. Цяпер картэль чакае скарачэння попыту па выніках года на 9,5 млн барэляў за дзень - да 90,2 млн барэляў за дзень, гаворыцца ў вераснёвым дакладзе арганізацыі, піша finanz.ru.

Чаканні попыту пагоршаныя ў сувязі са слабымі эканамічнымі звесткамі з краін Азіі, асабліва Індыі. У OPEC дапускаюць, што аднаўленне попыту можа зацягнуцца і пасля першай паловы 2021 года. Акрамя таго, павольна аднаўляецца спажыванне паліва ў транспартнай галіне развітых краін. Не знятыя дагэтуль і рызыкі новых успышак COVID-19.

«Паводле прагнозаў, у 2021 годзе сусветны попыт на нафту вырасце на 6,6 млн барэляў за дзень, што прыкладна на 0,4 млн барэляў за дзень ніжэй у параўнанні з папярэдняй ацэнкай. У сярэднім паказчык (па попыту - заўв. ТАСС) складзе 96,9 млн барэляў за дзень», - паведаміла OPEC. Гэта прыкладна на 3 млн барэляў за дзень ніжэй за дакрызісны ўзровень.

Адначасова OPEC падвысіла прагноз росту прапановы нафты з краін «не OPEC» на 360 тыся барэляў за дзень праз аднаўленне бурэння ў ЗША, Канадзе і Паўднёвай Амерыцы. Зараз, як чакаецца падзенне прапановы ў гэтых краінах у 2020 годзе складзе толькі 2,7 млн б/дз.

«Прагноз здабычы вадкіх вуглевадародаў у краінах, якія не ўваходзяць у OPEC, у 2020 г. перагледжаны ў бок павышэння на 360 тысяч барэляў за дзень у сувязі з больш хуткім, чым чакалася, аднаўленнем здабычы ў ЗША ў чэрвені. Паказчык [ЗША] павялічыўся на 1 млн барэляў за дзень у месячным вылічэнні і цяпер ніжэйшы за паказчык годам раней на 2,7 млн барэляў за дзень. Аднаўленне здабычы ўжо пачалося ў ЗША, Канадзе і Лацінскай Амерыцы ў III квартале», - адзначаецца ў дакладзе.

Усяго ў 2020 годзе здабыча нафты ў ЗША ўпадзе на 1 млн б/дз, у Расеі - на за 1,1 млн б/дз, адзначаецца ў справаздачы.

Прагноз здабычы вадкіх вуглевадародаў у краінах, якія не ўваходзяць у OPEC, на 2021 г. палепшаны на 371 тысяч барэляў за дзень. Цяпер чакаецца рост паказчыка на 1 млн барэляў за дзень. Асноўнымі драйверамі росту стануць ЗША, Канада, Бразілія і Нарвэгія.