Міністэрства аховы здароўя не можа растлумачыць рэкордную смяротнасць беларусаў

В.а. міністра аховы здароўя спрабаваў апраўдацца на сустрэчы з медыкамі.

Выконаўца абавязку міністра аховы здароўя ў Беларусі Дзмітрый Піневіч не змог растлумачыць, з чым звязана рэкордная смяротнасць у Беларусі ў другім квартале 2020 года, паведамляе euroradio.fm.

- Я яшчэ не бачыў афіцыйнай статыстыкі Нацстата (на сайце ААН яна апублікаваная 6 верасня. - заўв.). Глядзіце, Нацстат жа збірае звесткі не ад нас, а ад дамоў шлюбу. Нацстат бачыць тую смерць, якую не бачым мы, - судовую, смерці на даму. Гэта значыць Нацстат збірае звесткі праз пазаведамасныя ўстановы, - тлумачыць Піневіч на сустрэчы з медыкамі, якая 15 верасня прайшла ў БелМАПА.

Паводле статыстыкі ААН, у другім квартале 2020 года, на які прыпаў разгар пандэміі COVID-19, у Беларусі памерла на 5605 чалавек больш, чым за аналагічны перыяд 2019 года. Аднак афіцыйна ад наступстваў каранавіруснай інфекцыі ў Беларусі за ўвесь перыяд пандэміі памерла 767 пацыентаў. Следствам чаго сталі астатнія амаль 5 тысяч смерцяў?

- Ніхто эпідэмію не ацэньвае па трох-чатыром месяцах. Эпідэмія ацэньваецца па году... Спецыялісты СААА, напрыклад, ацэньваюць эпідэмію наогул праз паўтара года. Вось тады і будзе відаць, - працягвае Дзмітрый Піневіч.

Красавік, травень, чэрвень - месяцы, калі каранавірус паводзіў сябе ў Беларусі агрэсіўна. Толькі афіцыйна зафіксаваны прырост хворых быў пад тысячу у дзень. Але колькасць смерцяў, паводле статыстыкі Міністэрства аховы здароўя, ніколі не перавышала 7 чалавек за дзень.