«Я быў проста здзіўлены тым святам жыцця, якое там зладзілі»
1- 17.09.2020, 10:42
- 16,090
Cвабода вымывае з душы шэрасць.
Жыхар Капыля падзяліўся з Telegram-каналам «Баста!» ўражаннямі ад вечаровых акцый салідарнасці, якія праводзяць менчукі.
- Жыву ў Капылі, учора прыехаў да сястры ў Менск, у мікрараён Лошыца. Увечары павалакла мяне на вечаровую акцыю. Я быў проста здзіўлены тым святам жыцця, якое там зладзілі. І гэта ў іх кожны дзень!
Я зразумеў, што мы ўсе жывем у нейкім дэпрэсіўным асяроддзі ў сябе там, ды і не толькі мы - уся краіна.
Куды ні глянь - усюды толькі праца, дом, лецішча, гаспадарка. Сур'ёзны падыход да ўсяго і п’янка замест забавак. Так больш нельга.
Свабода больш файна і прыемна для душы, чым усё гэта. Яна вымывае з нас шэрасць і паказвае, што мы жывыя і, што свет не абмежаваны станком, камбайнам і хакеем.
Усур'ёз задумаўся пра тое, што трэба вазіць у Лошыцу людзей на выправы-экскурсіі, упэўнены, што тады многія прачнуцца.