Краіны Паўночнай Еўропы заклікалі ўвесці санкцыі супраць рэжыму Лукашэнкі
6- 17.09.2020, 17:07
- 26,736
Таксама яны выказалі падтрымку беларускаму народу.
Як піша «Еўрапейская праўда», пра гэта гаворыцца ў супольнай заяве, апублікаванай урадам Нарвегіі пасля сустрэчы міністраў нардычных краін на востраве Борнхольм у Даніі.
На сустрэчу для абмеркавання міжнароднай палітыкі і бяспекі прыбылі міністры замежных спраў Даніі, Ісландыі, Нарвегіі, Швэцыі і Фінляндыі.
У супольным камюніке міністры «самым рашучым чынам» асуджаюць атручванне Аляксея Навальнага і заклікаюць Расею правесці празрыстае расследаванне, прыцягваючы экспэртаў Арганізацыі ў забароне хімічнай зброі.
«Міністры выказваюць глыбокую занепакоенасць з нагоды выкарыстання забароненага нервова-паралітычнага рэчывы на тэрыторыі адной з краін-суседак. Расея павінна неадкладна раскрыць усю інфармацыю аб тым, як на яе тэрыторыі стала магчымай атака з ужываннем хімічнай зброі», - адзначаюць яны.
Міністры дадаюць, што ўсе такія інцыдэнты з'яўляюцца парушэннем міжнароднага заканадаўства, па-другое - непрымальныя факты нападу на прадстаўнікоў апазіцыі.
Кіраўнікі МЗС таксама выказалі падтрымку і салідарнасць з беларусамі, якія змагаюцца за павагу да сваіх фундаментальных правоў і права на свабодныя і справядлівыя выбары.
Яны заклікаюць беларускія ўлады спыніць рэпрэсіі, вызваліць затрыманых і пагадзіцца на шырокі нацыянальны дыялог.
«Кіраўнікі МЗС падкрэсліваюць неабходнасць хуткага ўвядзення санкцый ЕЗ і краін, якія падзяляюць гэтую пазіцыю, у дачыненні да вінаватых у фальсіфікацыі выбараў і рэпрэсіях», - дадаюць у заяве.
Абмяркоўваліся і іншыя пытанні бяспекі.