Саша-таракан зноў атрымаў Шнобелеўскую прэмію
42- 18.09.2020, 7:55
- 45,095
Арганізатары цырымоніі нагадалі, што ён атрымлівае «прэмію» другім разам.
Кіраўнікі дзевяці краін, у тым ліку Расеі, ЗША, Беларусі, Бразіліі, Вялікабрытаніі, Індыі, Мексікі, Турцыі і Туркменістана атрымалі Шнобелеўскую прэмію (Ig Nobel Prize) праз пандэмію каранавіруса. Цырымонія ўзнагароджання трансліравалася на партале Improbable, паведамляе lenta.ru.
30-я цырымонія ўручэння прэміі праз пандэмію прайшла онлайн у ЗША ў чацвер, 17 верасня.
Кіраўнікам краін прысудзілі прэмію ў катэгорыі «Медыцынская адукацыя» за тое, што яны «навучылі свет аб тым, што палітыкі падчас пандэміі могуць мець больш моцны ўплыў на жыццё і смерць, чым навукоўцы і лекары».
Арганізатары нагадалі, што Лукашэнка атрымлівае прэмію Шнобеля другім разам. У 2013 яму дасталася ўзнагарода «за забарону публічных воплескаў». Арганізатары ўзнагародзілі яго за тое, што міліцыя «арыштавала за воплескі аднарукага чалавека».
Прэмія ўручаецца з 1999 года ў 10 галінах, частка з іх супадае з галінамі Нобелеўскай прэміі. Лаўрэаты атрымліваюць фальшывую банкноту на дзесяць трыльёнаў зімбабвійскіх даляраў.