Беларускія кампаніі перастаюць плаціць расейцам

Замежныя пазыкі растуць рэкорднымі тэмпамі.

Статыстыка міжнародных разлікаў у Беларусі фіксуе бурны рост пратэрмінаваных пазык перад замежным светам. Асабліва жорсткія паказчыкі адзначаюцца за «расейскія» завінавачанасці, пішуць banki24.by.

На 1 жніўня праблемная запазычанасць буйных і сярэдніх прадпрыемстваў Беларусі перад замежнымі партнёрамі дасягнула 1,276 млрд BYN.

З пачатку года аб'ём пратэрміноўкі павялічыўся на 16%. Пры гэтым агулам замежная крэдыторская запазычанасць беларускіх кампаній з 1 студзеня да 1 жніўня вырасла на 6,2%. Гэта значыць, што якасць завінавачанасці беларусаў перад вонкавым светам адчувальна знізілася - паднялася дзель неплацяжоў.

У рэгіёне СНД галоўны пункт назапашвання «смеццевых» пазык беларускіх кампаній з'яўляецца Расея. На 1 жніўня сума пратэрміноўкі дасягнула 454,4 млн BYN. З пачатку года сума абавязанняў беларусаў перад расейцамі падскочыла на 39,2%.

Амаль усе плацяжы з Расеяй (за выключэннем нафты і газу) беларускія кампаніі праводзяць у расейскіх рублях. Вонкавай запазычанасці за нафту і газ у Беларусі няма, бо неплацяжы за газ фіксуюцца унутры краіны - паміж «дачкой» Газпраму і спажыўцамі.

Такім чынам, можна спакойна пералічваць абавязанні з «зайчыкаў» у «драўляныя», каб зразумець, наколькі на дынаміку паўплывалі курсавыя розніцы. На 1 жніўня сума таксічнай завінавачанасці беларускіх арганізацый перад расейцамі склала 13,7 млрд RUB.

Што да пачатку года сума абавязанняў беларусаў у пераліку на расейскія рублі вырасла на 42,6%. Так што беларускі рубель нават крыху прыглушвае хуткасць росту праблемных пазык РБ перад РФ. У кожнага медаля ёсць адваротны бок. Маюцца неплацяжы за кантракты і перад беларускімі кампаніямі. На 1 жніўня сума такой пратэрміноўкі склала 995,9 млн BYN.

Праўда, тэмпы росту пазыкі вонкавага свету далёка не такія вялікія, як неплацяжы саміх беларусаў замежнікам. За 7 месяцаў таксічная завінавачанасць перад РБ павялічыўся на 7,9%. Ды і ў цэлым баланс неплацяжоў кажа аб большай схільнасці беларускіх кампаній не вяртаць грошы, чым у іх замежных контрагентаў.

Чыстая запазычанасць перад замежным светам на 1 жніўня дасягнула 280,1 млн BYN. Яшчэ ў пачатку года яна была на 58,3% менш. Галоўнымі праблемнымі завінавачанымі выступаюць зноў жа расейцы. Да 1 жнiўня сума іх абавязанняў склала 312,4 млн BYN (+5% з пачатку года).

У пераліку на расейскія рублі сума пратэрмінаванай завінавачанасці дасягнула 9,4 млрд RUB.