Чэмпіёнка свету ў фрыстайле выказалася аб пазбаўленні Казекі імянной стыпендыі

Аляксандра Раманоўская падтрымала свайго трэнера.

Аляксандра Раманоўская, чэмпіёнка свету 2019 года ў фрыстайле, у інтэрв'ю Tribuna.com падзялілася меркаваннем аб сённяшняй навіне пра тое, што галоўнага трэнера каманды Беларусі Мікалая Казекі пазбавілі імянной стыпендыі і запатрабавалі вярнуць грошы.

- Якая мая першая рэакцыя? Скажыце, нецэнзурную лаянку можна друкаваць? А што тут сказаць яшчэ, вось шчыра. Проста няма слоў. Няўжо гэта чалавек можа дайсці яшчэ ніжэй? Гэта проста і смешна, і сумна адначасова. Мне хочацца даведацца, куды трэба адсылаць паперу, каб Мікалаю Іванавічу вярнулі ўсе гады, сілы і нервы, якія трэнер выдаткаваў за столькі часу? Усё тое, што ён уклаў. Калі чыноўнікі хочуць, каб ён вярнуў нейкія грошы, няхай вяртаюць усё тое, што Казека выдаткаваў і ўклаў у від спорту, у спароўцаў.

Зразумейце, заслуга Мікалая Іванавіча ў медалях, наогул у развіцці фрыстайлу ў краіне, ды і наогул ва ўсім свеце проста каласальная. Нездарма ж у трэнера ордэны, узнагароды, яго паважаюць, любяць і ў Беларусі, і па ўсім свеце. Ён ужо сапраўды не знікне, а людзі, якія пішуць усе гэтыя лісты...

- Чыноўнікі помсцяць Казека за ягоную грамадзянскую пазіцыю?

- Вядома, а за што ж яшчэ. Няўжо ў нас у краіне зараз караюць за нешта важнае? Тыя, каго сапраўды трэба караць, па-ранейшаму працягваюць сваю справу і ходзяць на свабодзе. А вінаватымі робяць тых, каго баяцца, хто шчыра кажа. Гэта чарговым разам паказвае рацыю тых, хто не хоча маўчаць, і няправільнае меркаванне тых, хто карае.

- Гэтая сітуацыя неяк можа паўплываць на Мікалая Іванавіча? Ён можа расчаравацца, пакінуць трэнерскую працу або наогул з'ехаць з краіны?

- Гэта чалавек моцны, і я веру, што і Мікалаю Іванавічу, і нам усім будзе досыць сіл, каб перажыць усё жудасныя падзеі, якія адбываюцца ў Беларусі. Але, безумоўна, чалавечыя рэсурсы не бясконцыя, такія сітуацыі вымотваюць нервы, выбіваюць з каляіны. Мікалай Іванавіч - чалавек ва ўзросце, і, мне здаецца, чыноўнікам варта было б тысячу разоў падумаць, перш чым такім займацца.

- Улетку вы далі адважнае інтэрв'ю, у якім выказалі сваё стаўленне да цяперашняй улады і да ўсяго, што адбываецца ў Беларусі. Потым загаварылі іншыя фрыстайлісты, Казека. Мы бачым, што ваша каманда - самая смелая ў беларускім спорце, з выразнай аргументаванай пазіцыяй.

- Сапраўды, мне было прыемна пачуць пазіцыю трэнера, ужо былога дырэктара РЦАП у фрыстайле Вадзіма Крывашэева. Такія думкі даюць вельмі шмат сіл. Адна справа - калі ты кажаш, а ўсе астатнія маўчаць, а іншая справа - калі каманда хоць і невялікая, але ў ёй усе адзін аднаго падтрымліваюць, стаяць на адным баку. Гэта вялікая каштоўнась.

Калі шчыра, нават не ўяўляю, што будзе з нашым відам спорту далей, улічваючы ўсе падзеі. Чыноўнікі могуць яго проста пахаваць. Ды яны гэта ўжо робяць, - сказала Раманоўская.