Жыхары мікрараёна Лебядзіны ўшанавалі памяць Аляксандра Трайкоўскага

Сёння 40 дзён па Герою Беларусі.

Жыхары мікрараёна Лебядзіны ўшанавалі памяць Героя Беларусі Аляксандра Трайкоўскага. Пра гэта паведамляе тэлеграм-канал «Баста».

10 жніўня падчас мірнай акцыі пратэсту ў Менску Аляксандр апынуўся каля станцыі метро Пушкінская, ён ішоў да бацькі. Пасля таго як ён выйшаў з хаты, жонка Аляксандра не магла знайсці яго два дні. Да канца другога дня з бацькам загінулага звязаўся следчы і паведаміў пра гібель Аляксандра. Аляксандр загінуў на вуліцы Прытыцкага ў Менску, як мяркуецца, праз стрэл.