У Менску Марш справядлівасці падыходзіць да заканчэння

Людзі разыходзяцца вялікімі гуртамі, каб унікнуць нападаў карнікаў.

У Менску Марш справядлівасці падыходзіць да заканчэння. На плошчы Якуба Коласа ўдзельнікі Марша згортваюць сцягі і разыходзяцца вялікімі гуртамі.

«Сябры, захоўвайце асцярожнасць. Разыходзімся толькі вялікімі гуртамі, без сымболікі.

Не заходзім у двары ля вуліц Харужай і Казлова - там шмат віжоў. Ахоўваем людзей, якія неслі сцягі і гукаўзмацняльную апаратуру», - адзначае тэлеграм-канал «Баста!».