«Баста!»: План дзеянняў на 21 верасня
3- 21.09.2020, 9:14
- 31,699
Наносім удары па таракану ўсюды, дзе гэта магчыма.
Telegram-канал «Баста!» прапанаваў свой план дзеянняў на новы дзень пратэстаў у Беларусі.
- Добрай раніцы, сябры. Пачынаем новы тыдзень гарачай беларускай восені, новы этап Супраціву. Развіваем і ўзмацняем найбольш паспяховыя кірункі атакі.
❗️ Наносім удары па таракану ўсюды, дзе гэта магчыма, б'ём па самых балючых і уразлівых месцах. Ключавыя напрамкі - штодзённыя вулічныя акцыі, падтрымка студэнцкіх пратэстаў, страйкі і сабатаж, вечаровы карнавал свабоды ва ўсіх гарадах і раёнах.
❗️ Наладжваем кантакт з суседзямі ў чатах дамоў, двароў, кварталаў. Дамаўляемся аб каардынацыі дзеянняў. Плануем супольныя мерапрыемствы на гэты тыдзень. Вызначаем кірункі работы і адказных за іх. Патрэбна дапамога - звяртайцеся, падзелімся досведам.
❗️ Падтрымліваем затрыманых на выходных удзельнікамі Марша герояў і Жаночага маршу. Менчане, прыходзім да будынкаў раённых судоў. Жыхары іншых гарадоў, дзе прайшлі затрыманні, таксама прыходзім да будынкаў судоў. Падтрымліваем затрыманых, іх семейнікаў.
❗️ Ствараем народныя дружыны самаабароны - у кожным квартале, раёне, доме. Бяром пад кантроль сваю тэрыторыю, самі падтрымліваем парадак у сваіх дварах і на вуліцах, у ВНУ і на заводах. Невялікая інструкцыя - тут, - піша Telegram-канал.