«Вам не даруюць і будуць заўсёды пагарджаць вамі землякі»

Адказ сілавікам.

Чытач Telegram-канала «Баста!» адказаў прэс-сакратарцы МУС Чамаданавай з нагоды таго, што ёй нібыта «сорамна за жанчын-актывістак».

- Сорамна вам павінна быць за тое, што пасля сотняў пацярпелых ад неправамернага ўжывання спецсродкаў, пасля збіцця і катаванняў мірнага насельніцтва на загад вашага начальства ўся структура МУС была зганьбаваная і страціла ўсякую павагу ў вачах народа.

Сорамна вам павінна быць за тое, што ў краіне прававы дэфолт. Дагэтуль нават не распачатыя справы супраць злачынцаў, якія чынілі гвалт супраць народа, у той час як штодня фабрыкуюцца справы і не сціхаюць рэпрэсіі паводле палітычных матываў у дачыненні да мірных людзей, а таксама людзей, якія выконваюць сваю працу (палітыкаў, журналістаў, МНС, станцыі выратавання на водах).

Сорамна вам павінна быць за тое, што пакуль вы поўзае перад тараканам, тысячы супрацоўнікаў МУС, якія прысвяцілі гады службе, цяпер начальствам схіляюцца да таго, каб ваяваць з уласным народам, каб становіцца злачынцамі, каб займацца бессэнсоўнай барацьбой з нацыянальнай сімволікай, замест таго, каб з гонарам служыць дзеля народа. На іх кар'еры ставіцца крыж, ім няма куды ісці, іх гонар зганьбаваны, і ўсё гэта начальства робіць толькі дзеля захавання ўлады вашага дыктатара, і ягонага атачэння.

Абсалютная большасць народа пагарджае вамі. За гэта вам павінна быць сорамна. Толькі сораму ў вас няма, таксама як і сумлення. Таму ваша «сорамна» пра актывістак - гэта напраўду «страшна». Вам страшна, бо вы ведаеце, што неўзабаве вас за ўсе вашы дзеянні або будуць судзіць, або вы страціце ваша наседжанае месца. Але самае страшнае - што вам не даруюць і будуць заўсёды пагарджаць вамі вашы землякі.