Чэхія выйшла на другое месца ў Еўропе ў тэмпах распаўсюджвання каранавірусу
4- 21.09.2020, 14:20
- 15,881
Яшчэ на мінулым тыдні на другім месцы была Францыя.
Як піша Charter97.org, пра гэта сведчаць апошнія звесткі Еўрапейскага цэнтра прафілактыкі і кантролю захворванняў, на якія многія краіны арыентуюцца пры вызначэнні сваіх спісаў "чырвонай" і "зялёнай зонаў".
Яшчэ на мінулым тыдні на другім месцы была Францыя, але за выходныя Чэхія абышла яе.
Колькасць новых заражэнняў на 100 000 насельніцтва ў Чэхіі дасягнула 193. У Францыі гэты паказнік цяпер складае 186. На першым месцы застаецца Гішпанія – з паказнікам больш за 300 заражэнняў на 100 000 насельніцтва.
Сярод суседзяў Чэхіі найбольшы паказнік колькасці новых заражэнняў у Вугоршчыны – 103 на 100 000 насельніцтва, а ў астатніх – істотна ніжэйшы: 26 у Нямеччыне, 21 у Польшчы, 37 у Славакіі.