Шматдзетныя беларускі - уладам: Якім садыстам трэба быць, каб дадумацца да такога?
17- 22.09.2020, 15:06
- 53,062
Маці ў відэазвароце сарамацілі лукашэнкаўцаў.
Шматдзетныя маці запісалі відэазварот да людзей ва ўладзе з заклікам спыніць ціск на бацькоў пагрозамі забраць дзяцей.
Нядаўна начальнік аддзела нагляду за выкананнем заканадаўства аб непаўналетніх і моладзі Генеральнай пракуратуры Аляксей Падвойскі заявіў, што за ўдзел непаўналетніх у масавых акцыях ім самім і іх бацькам пагражае адміністрацыйная адказнасць: ад штрафу да адбірання дзяцей з сям'і.
Нядаўна дзякуючы салідарнасці сотняў беларусаў актывістцы «Еўрапейскай Беларусі» Алене Лазарчык удалося абараніць свайго шасцігадовага сына Арцёма і забраць яго з прытулку. Напярэдадні каля прытулку прайшла масавая акцыя пратэсту, на сітуацыю з Арцёмам звярнуў увагу прэм'ер-міністр Польшчы Матэвуш Маравецкі.