Беларуская прамысловасць пагрузілася ў змрок пратэрміновак

Сярод тыпаў дзейнасці ў аб'ёме пратэрміноўкі супастаўная хіба што сельская гаспадарка.

У 2020 годзе чыноўнікі займаюцца тым, што рэфінансуюць пазыкі прамысловых прадпрыемстваў. Аднак на рахунках усё адно застаюцца мільярды таксічных запазычанасцяў, піша сайт banki24.by.

Прамысловасць ахоплівае амаль палову пратэрмінаваных запазычанасцяў усіх буйных і сярэдніх прадпрыемстваў Беларусі. На 1 жніўня сукупная «смеццевая» запазычанасць склала 10,154 млрд BYN, а абавязацельствы адной прамысловасці - 4,766 млрд BYN.

Сярод тыпаў дзейнасці ў аб'ёме пратэрміноўкі супастаўная хіба што сельская гаспадарка. У аграрыяў нават пасля ўжывання шматлікіх захадаў дзяржпадтрымкі засталося 2,915 млрд BYN «смеццевых» абавязацельстваў.

Унутры прамысловасці больш за ўсё праблемных пазыкаў сабраў харчпрам (1,145 млрд BYN). Таксама буйныя пратэрмінаваныя абавязацельствы мелі металургі (567,7 млн BYN), вытворцы неметалічных мінеральных прадуктаў (561 млн BYN), вытворцы транспарту (533,4 млн BYN) і машынабудаўнікі (514,6 млн BYN).

Сумарныя абавязацельствы дзеляцца на крэдыторкі ды запазычанасці ў крэдытах і пазыках. Дык вось, да 1 жніўня пратэрмінаваная крэдыторкі ў прамысловасці склалі 3,327 млрд BYN, а пратэрміноўка ў крэдытах і пазыках - 1,439 млрд BYN.

Лідарамі па аб'ёме пратэрмінаванай крэдыторкі ў прамысловасці выступаюць харчпрам (751,7 млн BYN) і металургі (502,4 млн BYN). Пры гэтым у металургаў пратэрмінованыя 23,9% крэдыторскіх запазычанасцяў, а ў харчавікоў - 18,4%.

Асноўная частка пратэрмінаванай крэдыторкі - гэта разлікі ў межах Беларусі (247,3 млн BYN). Першыя месцы займаюць усё тыя ж галіны: харчпрам (668,5 млн BYN), вытворцы транспарту (290,1 млн BYN) і металургі (260,2 млн BYN).

Пратэрмінаваныя крэдыты і пазыкі канцэнтруюцца ў наступных галінах - харчпрам (392,8 млн BYN), вытворцы неметалічных прадуктаў (271,6 млн BYN), машынабудаванне (181,5 млн BYN).

Шмат завінаваціліся і самім прадпрыемствам прамысловасці. Такая пратэрмінаваная запазычанасць называецца дэбіторскай. На 1 жніўня беларускім прамыслоўцам не заплацілі за пастаўкі 4,391 млрд BYN. Дзель праблемных абавязацельстваў у дэбіторку склала 19,1% (амаль кожны пяты рубель).

Асноўныя нясплаты зноў жа назапашаныя ўнутры краіны. На 1 жніўня ўнутраная пратэрмінаваная крэдыторка склала 3,720 млрд BYN, а яе ўдзельная вага ва ўсёй унутранай дэбіторцы - 22,5%.

Масавыя нясплаты дрэнна адбіваюцца на прыбытку прамысловасці. За 7 месяцаў чысты прыбытак у гэтай сферы ўпаў у 2,8 разы да 1,729 млрд BYN. А вось чыстыя страты стратных кампаній, наадварот, падскочылі ў 6,1 разы да 1,674 млрд BYN. Дзель стратных арганізацый у прамысловасці вырасла з 18,3% у 2019 годзе да 22,5% у 2020-м.