У Нідэрландах прайшлі акцыі салідарнасці з Беларуссю
- 22.09.2020, 19:09
- 11,861
Акцыі прайшлі ў Амстэрдаме і Эйндховене.
У нядзелю, 20 верасня, беларускія абшчыны Эйндховена і Амстэрдама арганізавалі акцыі салідарнасці з суайчыннікамі.
Пра гэта Charter97.org паведамілі прадстаўнікі беларускай суполкі ў Нідэрландах.
У акцыі ў Сусветны дзень салідарнасці з Беларуссю ўзялі ўдзел блізу ста чалавек.
Таксама беларускі народ падтрымалі мясцовыя жыхары Эйндховена і Амстэрдама. Удзельнікі акцый адзеліся ў колеры нацыянальнай гістарычнай сімволікі і прынеслі з сабой сцягі, транспаранты і фатаграфіі палітычных зняволеных.
Акцыі прыцягнулі ўвагу жыхароў гарадоў. Былі раздадзеныя ўлёткі і буклеты з інфармацыяй пра тое, што адбываецца ў Беларусі.