Акторы Гарадзенскага драмтэатра адмовіліся слухаць лукашэнкаўскую прапаганду Караніка
32- 22.09.2020, 20:29
- 58,259
Людзі, якія сабраліся ля тэатра скандавалі: «Не чапайце нашых актораў!»
У Горадні адбылася сустрэча калектыву абласнога драмтэатра з губернатарам вобласці Уладзімірам Каранікам. На сустрэчу таксама прысутнічала начальніца ўпраўлення культуры аблвыканкама Алена Клімовіч. Журналістаў унутр будынка не пусцілі, паведамляе тэлеграм-канал tut.by.
Нагадаем, акторы драматычнага тэатра перапынілі свой выступ у мінулую нядзелю, калі стала вядома пра затрыманне на мірнай акцыі пратэсту двух іх калегаў - Сяргея Курыленкі і Валянціны Харытонавай.
Пазней стала вядома, што акторка Лізавета Мілінцэвіч была звольненая з Гарадзенскага драматычнага тэатра «на пагадненне бакоў». У нядзелю, 20 верасня, яна ўдзельнічала ў спектаклі, які быў спынены.
Калі з будынка абласнога драмтэатра выйшаў Каранік, людзі, якія сабраліся ля тэатра, скандавалі: «Не чапайце нашых актораў!».
Акторы заявілі, што «дыялогу не атрымалася з кіраўніком аблвыканкама», размова была агульнай.
- Нам казалі, што мы не маем права спыняць спектакль. Уладзімір Каранік прыводзіў прыклад, што калі б хірург кінуў скальпель або кіроўца аўтобуса высадзіў нас у полі. Але мы ж казалі пра іншае - пра гвалт і саму абстаноўку ў краіне, - расказваюць акторы. Яны распавядаюць, што губернатар згадваў пра распрацоўку новай Канстытуцыі і што на гэта спатрэбіцца два гады.
Людзі дзякавалі артыстам і казалі, што перажывалі за іх і вынік сустрэчы.