Больш за 600 студэнтаў біяфака БДУ запатрабавалі адстаўкі незаконнай улады і правядзення новых выбараў

Вінаватыя ў злачынствах супраць мірных грамадзян павінны адказаць паводле закону.

Супрацоўнікі, студэнты і выпускнікі біялагічнага факультэта БДУ звярнуліся да дзяржаўных органаў Беларусі. Яны патрабуюць не дапускаць затрыманняў і гвалту да мірных грамадзянам, вызваліць палітвязняў і прызнаць вынікі выбараў несапраўднымі, паведамляе tut.by.

«Мы выказваем салідарнасць з усімі грамадзянамі, якія шляхам негвалтоўнага пратэсту спрыяюць аднаўленню міру і законнасці ў Беларусі, - напісалі аўтары звароту. - У сувязі з парушэннем нашых грамадзянскіх і палітычных правоў, а менавіта: права на сумленныя і празрыстыя выбары, свабоду волевыяўлення (арт. 65, 66 Канстытуцыі), права на жыццё і бяспеку, права на абарону ад замахаў за свабоднае выказванне сваёй пазіцыі (арт . 4, 10, 22, 25, 33 Канстытуцыі), органам дзяржаўнай улады выказваем пратэст усталяванаму ў нашай краіне беззаконню».

Свае патрабаванні біёлагі сфармулявалі так:

- не дапускаць затрыманняў і гвалту ў дачыненні да мірна грамадзян-пратэстоўцаў. Ініцыяваць працэс адхілення ад займаных пасадаў і прыцягнення да адказнасці ўсіх работнікаў праваахоўных органаў, якія выкарысталі гвалт, хто аддаваў і выконваў злачынныя загады і парушыў прысягу, дадзеную народу Беларусі. Да заканчэння незалежнага і галоснага расследавання адхіліць ад выканання абавязкаў міністра ўнутраных спраў Юрыя Караева, кіраўніцтва і асабовы склад падраздзяленняў АМАП МУС.

- вызваліць усіх палітычных зняволеных, скасаваць неправамерныя судовыя пастановы, выплаціць кампенсацыі ўсім грамадзянам, якія пацярпелі ад незаконных дзеянняў сілавых структур.

- у сувязі з непрымальным колькасцю зафіксаваных парушэнняў і фальсіфікацый прызнаць несапраўднымі вынікі выбараў 9 жніўня. Сфармаваць новы склад ЦВК, правесці новыя выбары [...].

Зварот падпісала 624 чалавекі.