У Польшчы абвясцілі аб стварэнні лекаў ад каранавіруса

Іх выраб стаў магчымым дзякуючы плазме крыві людзей, якія ачунялі ад COVID-19.

Польская кампанія Biomed афіцыйна абвясціла аб распрацоўцы першых у свеце эфектыўных лекаў ад каранавіруса.

Пра гэта паведамляе «Еўрапейская праўда» са спасылкай на Onet.

Выраб прэпарата стаў магчымым дзякуючы плазме крыві людзей, якія ачунялі ад каранавіруса. Цяпер прэпарат перадаюць на клінічныя выпрабаванні ў чатырох цэнтрах у Любліне, Бытаме, Беластоку і Варшаве.

«23 верасня скончыўся этап вытворчасці, у выніку якога было выраблена больш за тры тысячы ампул імунаглабуліну anti-SARS-CoV-2, якія пасля заканчэння неабходных тэстаў, у тым ліку тэстаў на стабільнасць прадукту, будуць перададзеныя на клінічныя выпрабаванні. Выпуск прэпарата для некамерцыйных клінічных выпрабаванняў запланаваны на чацвёрты квартал 2020 года», - сказала кіраўніца кампаніі Марцін Пірог.

Вытворчасць прэпарата пачалася 18 жніўня, яго рабілі з плазмы крыві ачунялых пасля інфікавання каранавірусам людзей. Са 150 літраў крыві, запушчаных для вытворчасці прэпарата, больш за 100 паступілі ад шахцёраў з Ястшэмбскай вугальнай кампаніі, на шахтах якой адбыліся некалькі лакальных успышак заражэння.

«Лячэнне COVID-19 плазмай крыві хворых ужо адобранае САЗ і Міністэрствам аховы здароўя Польшчы», - сказаў доктар Гжэгаж Чалей, сенатар парламента Польшчы, які прысутнічаў на прэзентацыі прэпарата.

Раней некалькі кампаній абвясцілі аб распрацоўцы вакцын ад каранавіруса, але пра лекі ад гэтай хваробы абвешчана ўпершыню.