Швэцыя заявіла пра нелегітымнасць Лукашэнкі
7- 25.09.2020, 14:30
- 28,387
Расце спіс краінаў, якія не прызнаюць уладу ўзурпатара.
Швэцыя, як і іншыя краіны Еўразвязу, не прызнае законнасць новага тэрміну Лукашэнкі. Пра гэта на сваёй старонцы ў Twitter паведаміла міністарка замежных справаў гэтай краіны Ан Ліндэ.
Кіраўніца МЗС Швэцыі Ан Ліндэ яшчэ 23 верасня, у дзень "інаўгурацыі" Лукашэнкі, апублікавала ў Twitter пазіцыю наконт правядзення цырымоніі, а таксама датычна непрызнання вынікаў прэзідэнцкіх выбараў у Беларусі.
Lukashenko’s hastily and unannounced inauguration reaffirms his lack of legitimacy as a democratically elected leader. Election on 9 August was neither free nor fair. We will continue to hold him accountable for violence & repression against opposition and peaceful demonstrators
— Ann Linde (@AnnLinde) September 23, 2020
«Інаўгурацыя Лукашэнкі, праведзеная спешна і без папярэджання, зноў пацвярджае адсутнасць у яго легітымнасці як дэмакратычна абранага лідара. Выбары 9 жніўня не былі ні свабоднымі, ні сумленнымі. Мы прадаўжам меркаваць яго адказным за гвалт і рэпрэсіі супраць апазіцыі, а таксама мірных дэманстрантаў», – гаворыцца ў заяве міністаркі.
Нагадаем, пасля «інаўгурацыі» Лукашэнкі прадстаўнікі шэрагу краінаў, як Нямеччына, Эстонія, Славакія, Чэхія, Літва, ЗША, Канада, Нарвегія, а таксама ЕЗ заявілі, што не прызнаюць легітымнасць працэдуры і вынікі выбараў 9 жніўня прэзідэнта Беларусі.
