Відэа пра тое, як ШІ зрывае маскі з сілавікоў, набрала амаль 800 тысяч праглядаў
25- 25.09.2020, 21:56
- 60,316
Зварот IT-спецыяліста да лукашэнкаўскіх карнікаў набірае папулярнасць на Youtube.
Беларускі мастак і распрацоўшчык гульняў Андрэй Максімаў паказаў відэа, як штучны інтэлект (ШІ) устанаўлівае сілавікоў на фотаздымках і «зрывае з іх маскі».
Ён прадэманстраваў інструмент, які дазваляе па вачах знайсці асабістыя звесткі супрацоўніка АМАП і нават аднавіць твар на зыходным фатаздымку. Гэтым відэа Андрэй заклікае сілавікоў адмовіцца ад загадаў разганяць пратэстоўцаў.
Відэа было апублікаванае ўчора на яго Youtube-канале. Да вечара 25 верасня відэа сабрала амаль 800 тысяч праглядаў.