Расейскія медыкі прапанавалі дзіўны метад лячэння COVID-19

За аснову была ўзятая гіпотэза, высунутая кітайскімі навукоўцамі з універсітэтаў Ібін і Сычуані.

Навукоўцы з Санкт-Пецярбургскага навукова-даследчага інстытута хуткай дапамогі імя І. Джанэлідзэ выказалі здагадку, што лячыць ад цяжкай формы хваробы, выкліканай каранавірусам новага тыпу, можна так сама, як пры атручванні ядамі, што выклікаюць павышэнне ўзроўню вольнага жалеза ў крыві.

Пра гэта ў нядзелю піша ТАСС са спасылкай на матэрыялы артыкула ў "Весніку аднаўленчай медыцыны".

Як вынікае з публікацыі, навукоўцы прыйшлі да адпаведных высноваў на аснове гіпотэзы, высунутай іх кітайскімі калегамі з універсітэта Ібін і Сычуаньскага ўніверсітэта навукі і тэхнікі. Апошнія мяркуюць, што каранавірус валодае гематаксічным дзеяннем, у выніку якога з малекулаў гемаглабіну выцясняецца атам двухвалентнага (вольнага) жалеза. Трапляючы ў кроў, ён выклікае пашкоджанне сценак сасудаў, а потым і ўнутраных органаў. Лішак вольнага жалеза прыводзіць да капілярнай выцечкі (налёту плазмы крыві праз сценкі сасудаў – заўв. ТАСС), чаму струмень кіслароду, які дастаўляецца да тканак, памяншаецца. У сувязі з тым, што менавіта такія сімптомы назіраюцца ў заражаных каранавірусам з цяжкім станам хваробы, навукоўцы з Санкт-Пецярбургскага НДІ прапанавалі лячыць гэтае захворванне як атручэнне гемалітычнамі ядамі.