Арменія ўслед за Карабахам увяла ваеннае становішча і абвесціла ўсеагульную мабілізацыю
18- 27.09.2020, 12:47
- 29,395
Пастанову прыняў урад краіны на чале з Ніколам Пашынянам.
Урад Арменіі ў нядзелю ў сувязі з эскалацыяй у Нагорным Карабаху ўвёў у краіне ваеннае становішча і абвесціў усеагульную мабілізацыю рэзерву.
Пра гэта напісаў на сваёй старонцы ў Facebook прэм'ер-міністр Нікол Пашынян, паведамляе ТАСС.
"Дарагія суродзічы, зараз пастановай ураду ў Арменіі абвяшчаецца ваеннае становішча і ўсеагульная мабілізацыя. Усяму асабоваму складу заклікаю з'явіцца ў ваенныя камісарыяты", – адзначыў ён.
Прэм'ер-міністр Арменіі таксама мяркуе, што Азербайджан загадзя спланаваў эскалацыю сітуацыі ў Нагорным Карабаху.
"Нядаўнія агрэсіўныя заявы Азербайджана, шырокамаштабныя супольныя ваенныя вучэнні з Турцыяй, а таксама адмова ад маніторынгу АБСЕ паказваюць, што агрэсія была загадзя спланаванай, гэта была буйнамаштабная правакацыя супраць міру і бяспекі ў рэгіёне", – адзначыў ён у Twitter.
Раней пра ўвядзенне ваеннага становішча ў Нагорным Карабаху заявіў кіраўнік непрызнанай рэспублікі Араік Аруцюнян.