28 сакавiка 2024, Чацвер, 18:08
Падтрымайце
сайт
Сім сім,
Хартыя 97!
Рубрыкі

«Лукашэнка Расеі не патрэбны, Пуцін яго не любіць»

21
«Лукашэнка Расеі не патрэбны, Пуцін яго не любіць»

Таксічны дыктатар стаў нелегітымным для ўсяго свету.

Вядомы расейскі журналіст Мікалай Сванідзэ заявіў, што Лукашэнка стаў для Крамля «чамаданам без ручкі».

– У Крамлі далі клятву вернасці Лукашэнку, – разважае Мікалай Сванідзэ на «Эху Москвы». – А Лукашэнка такое дзівачыць, што мама не гаруй. Нікому не снілася, нават венесуэльскім кіраўнікам такое не снілася. Што творыць Лукашэнка.

Бегае з аўтаматам, таемна інаўгуруецца так бы мовіць. Ну куды ж тут і што Расеі цяпер з ім рабіць?.. Я гляджу, тут бедныя расейскія чыноўнікі проста са скуры лезуць, як бы апраўдаць.

Пётр Талстой сказаў, што гэтае таемнае ўступленне на пасаду – гэта ад сціпласці. Сціплы ён такі. Проста як нічога ніякага сказаў чалавек, уяўляеце. Віцэ-спікер Дзярждумы. Ад сціпласці...

Я думаю, што беларускі народ не зразумеў гэтай сціплай акцыі Лукашэнкі, якога ён не ўважае прэзідэнтам, дарэчы. А Расея ўважае. У адрозненне ад беларускага народа.

І вось гэтае несупадзенне ў поглядах на гэтае прынцыповае пытанне – яно вынікуе сур'ёзныя палітычныя разыходжанні ў будучыні. Прычым у блізкай будучыні. Паміж Расеяй і беларускім народам. Паміж Расеяй і Еўропай, якая стаіць за беларускім народам.

І мы вельмі рэзка разыходзімся, што наўрад ці ў расейскіх інтарэсах. І нічога зрабіць не можам, галоўнае. Чамадан без ручкі. Як несці – не ведаем.

Лукашэнка нам не патрэбен, Пуцін яго не любіць і Лукашэнка Пуціна таксама. Але так яны прысягнулі адзін аднаму ў вернасці. Старэйшы брат, малодшы брат. Як індзейцы з ГДР-югаслаўскіх фільмаў з Гойка Міцічам. Якія глядзелі ў маёй маладосці. І, парэзаўшы сабе руку, злілі ў чару, выпілі, люльку міру выкурылі.

І што цяпер рабіць з гэтым «братам»? Якога не прызнае ніхто, які кажа сваім сілавікам, што яны разагналі «дрэнь» на вуліцах. А гэта – сотні тысячаў менчукоў і не толькі менчукоў, якія выходзілі на вуліцы. Ну што цяпер з ім рабіць? Падпісваць з ім дамовы – а хто ён такі?

А ён нелегітымны. Ён у вачах беларускага народа, нелегітымны ў вачах свету. Значыць любая папера, падпісаная з ім, яна будзе выкінутая ў смеццеправод. І што з ім рабіць цяпер. Невядома.

Напісаць каментар 21

Таксама сачыце за акаўнтамі Charter97.org у сацыяльных сетках