У Беларусі пачнуць на людзях выпрабоўваць расейскую вакцыну ад каранавіруса

Выпрабаванні пачнуцца ўжо 1 кастрычніка.

У Беларусі, у чацвер, 1 кастрычніка добраахвотнікаў пачнуць вакцынаваць расейскай вакцынай ад каранавіруса.

Пра гэта паведамляе прэс-служба Міністэрства аховы здароўя Беларусі.

У міністэрстве заявілі, што Расейскі фонд наўпроставых інвестыцый абвясціў пра пастаўку ў Беларусь першай партыі расейскай вакцыны ад каранавіруса.

У міністэрстве дадалі, што фонд прафінансуе гэта «клінічнае даследаванне ў Рэспубліцы Беларусь з удзелам 100 чалавек».

Адзначым, што расейская вакцына зазнае жорсткую крытыку з боку спецыялістаў.