Як салідарныя з маршам разбіваюць ушчэнт арыфметыку ад «лукавага»

Дзе ўсе гэтыя людзі, якія падтрымліваюць Лукашэнку?

Ігуменні Гаўрыіліі, відавочна, не даюць спакою лаўры Соф'і Кавалеўскай. Ігумення гарадзенскага манастыра апублікавала свае падлікі, піша «Салiдарнасць»:

- Колькі ў нас выбарцаў? 5,5 мільёна. Максімальна ў Менску, можа быць, выходзілі на мітынгі 220-250 тысяч. Па абласцях, дапусцім, па 50 тысяч у кожнай выйшла. Атрымліваецца 500-520 тысяч - вось вам гэтыя 10%, якія і ўзяла Ціханоўская.

Але гэта арыфметыка ад «лукавага». Відавочна, што далёка не ўсе прыхільнікі перамен выходзяць на шэсці. Гэтак жа празрыста тое, што акцыі супраціўнікаў Лукашэнкі куды больш масавыя, чым паплечнікаў.

Так што, абсурдна тых, хто застаўся дома, аўтаматычна запісваць у прыхільнікі цяперашняга дыктатара Беларусі. Тым больш, што многія наглядна дэманструюць сваю пазіцыю - з вокнаў і з балконаў кватэр, з асабістага і грамадскага транспарту.

Вядома, ёсць і тыя, хто за Лукашэнку. Але сёння яны візуальна ў відавочнай меншасці, што можна было ўбачыць падчас маршу 27 верасня.