Гледачы CBS мяркуюць, што падчас тэледэбатаў перамог Байдэн
31- 30.09.2020, 14:53
- 20,743
Аўдыторыю гэтага тэлеканала звычайна ацэньваюць як больш нейтральную.
Амерыканскія гледачы тэледэбатаў Дональда Трампа і Джо Байдэна аддалі перавагу кандыдату ад дэмакратаў.
Пра гэта паведамляе «Еўрапейская праўда».
Так, паводле апытання SSRS, праведзенага на замову тэлеканала CNN, які сімпатызуе дэмакратам, шэсць з дзесяці гледачоў мяркуюць, што на дэбатах перамог Байдэн.
Толькі 28% апытаных гледачоў думаюць, што больш выйгрышна падчас дэбатаў выглядаў дзейны прэзідэнт ЗША.
Вынік пасля дэбатаў прыкладна такі ж, як і вынік апытання пасля дэбатаў у 2016 годзе пасля першых дэбатаў паміж Трампам і Хілары Клінтан. Тады 62% меркавалі, што Клінтан перамагла на дэбатах, 27% сказалі, што Трамп перамог.
CBS News, якую звычайна ацэньваюць як больш нейтральную, паведаміла, што паводле вынікаў апытання гледачоў, Байдэн перамог з 48% галасоў супраць 41% у Трампа. Яшчэ 10% мяркуюць, што дэбаты скончыліся ўнічыю.
Але пераважная большасць гледачоў - 83% - сказалі, што тон дэбатаў быў адмоўным, і самай распаўсюджанай рэакцыяй на іх было раздражненне.