Facebook cінхранізаваў чаты Instagram і Messenger
- 30.09.2020, 19:41
- 12,830
Зараз можна весці ўсе перапіскі ў адной праграме, не зацягваючы другую.
Facebook аб'яднаў «Дырэкт» Instagram з Messenger, паведамляецца ў блогу кампаніі. Акрамя таго, у Instagram з'явіліся сэлф-стыкеры, супольны прагляд IGTV, знікальныя дыялогі і адказы на канкрэтныя паведамленні, паведамляе РБК.
Таксама распрацоўшчыкі дадалі ў Instagram функцыі, падобныя на функцыі Messenger. Напрыклад, адказ на пэўнае паведамленне ў чаце, анімаваныя рэакцыі, налады прыватнасці і выбар канкрэтных карыстальнікаў, якія могуць адпраўляць вам паведамленні.
З'явілася магчымасць скардзіцца на ўсю перапіску, а не на адно недарэчнае паведамленне, і блакаваць злоснікаў яшчэ і ў Facebook.
Калі абнаўленні запрацуюць на тэрыторыі Беларусі, невядома, але Facebook плануе зрабіць іх даступнымі ва ўсім свеце.