Герасіменя пра маршы ў Менску: Знаходзячыся сярод народа адчувала сябе як на Алімпіядзе

Беларуская плыўчыха падзялілася эмоцыямі ад маршаў.

Беларуская плыўчыха Аляксандра Герасіменя падзялілася эмоцыямі ад маршаў, паведамляе «Трибуна».

Пра падпісанне петыцыі супраць гвалту і за адстаўку Лукашэнкі

- Разумела, што проста так з рук мне гэта не сыдзе. Як бачым, усё так і здарылася. Горшыя чаканні, на жаль, апраўдаліся.

Пра суботнія і нядзельныя маршы

- Пасля ўсіх падзей, якія адбываліся, пасля ўсёй гэтай чарнаты людзі выходзяць на маршы. Іх б'юць, а яны ўсё роўна выходзяць мірна. Мне гэта так клалася на душу. Калі ўпершыню далучылася да маршу, адчула энэргетыку людзей. Адчула ўзаемападтрымку. Не бачыла ні грама агрэсіі. Знаходзячыся сярод народа адчувала сябе не горш, чым на Алімпіядзе.