Ургант спарадыраваў Лукашэнку з аўтаматам і ў кепцы

Недарэчнае відовішча.

Тэлевядоўца Іван Ургант спарадыраваў Лукашэнку, які два тыдні таму на фоне пратэстаў у Менску з'явіўся са зброяй і ў бронекамізэльцы ў суправаджэнні ўзброенага 15-гадовага сына.

Відэа з пародыяй было апублікаванае ў запісу шоў «Вечерний Ургант» у Twitter.

На кадрах шоўмэн апрануты ў шапку i касцюм, а ў руках у яго цацачны аўтамат. Ён ідзе па калідоры ў суправаджэнні коміка Дзмітрыя Хрусталёва, які парадыруе сына Лукашэнкі - Колю. На Хрусталёве надзетая каска колеру хакі і бронекамізэлька, у руках у яго таксама цацачная зброя.

«Моцна ўварваліся ў новы сезон», - гаворыцца ў паведамленні, апублікаваным разам з відэа.