«Даравання быць не можа, яны горшыя за немцаў у гады Вялікай Айчыннай вайны»

Абаронца Андрэй Карбоўскі жорстка выказаўся пра лукашыстаў.

Беларускі абаронца Андрэй Карбоўскі ацаніў дзеянні сілавікоў пасля выбараў прэзідэнта, паведамляе «Трыбуна».

– Праз пару дзён пасля смерці Рамана Бандарэнкі ў тваім інстаграме з'явілася моцнае відэа са зваротам да сілавікоў. Яно атрымалася вельмі жорсткім.

– Я вельмі доўга назбірваў у сабе злосць, крыўду, перажыванні за блізкіх. Пасля смерці Бандарэнкі мне на вочы трапілася відэа, што ў «Гіпа», куды заўсёды ходзяць мае бацькі, мая бабуля, цётка з стрыечным братам, збіваюць людзей. І гэта ў тым спакойным раёне. Мяне такая злосць узяла, і проста здалі нервы. Падумаў: «Не дай Бог у гэты момант там былі б мае бацькі». Не вытрымаў і запісаў відэа.

А наконт жорсткасці, мяркую, гэта абсалютна заслужанае стаўленне да людзей, якія так ставяцца да свайго народу. Прабачэння быць не можа. Яны горшыя за немцаў у гады Вялікай Айчыннай вайны.

– Адказваць павінны ўсе без выключэння?

– Усе, хто мае дачыненне. Некаторыя людзі носяць мундзір з гонарам. Яны не сталі выконваць злачынныя загады, не збівалі мірных жыхароў і гэтак далей. Да іх у мяне, як і ў любога чалавека, няма прэтэнзій. Яны паступілі паводле сумлення, як сапраўдныя вайскоўцы, як сапраўдныя грамадзяне Беларусі. А людзі, якія прадаліся за грошы... Такіх людзей я не разумею, – сказаў Карбоўскі.