Вакцынацыя ў Польшчы: 200 тысяч чалавек з прышчэпкамі, другая вакцына на падыходзе
- 10.01.2021, 18:13
- 9,688
На наступным тыдні ў гэтай еўрапейскай краіне пачнуць прышчапляць вакцынай Moderna.
Польшча, якая цяпер праводзіць вакцынацыю прэпаратам Pfizer/Biontech, на наступным тыдні атрымае першыя дозы амерыканскай вакцыны Moderna.
Пра гэта абвясціў Міхал Кучмероўскі, прэзідэнт Агенцтва матэрыяльных рэзерваў, якое займаецца размеркаваннем вакцын па краіне, паведамляе RMF 24.
З ягоных слоў, у панядзелак чакаецца яшчэ адна пастаўка вакцыны Pfizer/Biontech, 360 000 доз. У аўторак павінна паступіць першая порцыя вакцыны Moderna - 29 000 доз.
Еўрапейскае агенцтва лекавых сродкаў (EMA) апублікавала ў сераду сваё станоўчае заключэнне пра дазвол ужываць вакцыну кампаніі Moderna ў ЕЗ.
Пасля дастаўкі першай партыі прэпаратаў Moderna ў аўторак Польшча праз два тыдні чакае яшчэ прыблізна 40 000 доз. Акрамя таго, Moderna плануе даставіць прыкладна за 400 000 доз у лютым і 360 000 доз у сакавіку.