Шведскі дыпламат Більт: Чэмпіянат трэба перанесці з Менска

Карл Більт назваў ганебным фота Фазеля з тараканам.

Шведскі палітык і дыпламат Карл Більт, прэм'ер-міністр Швецыі з 1991 да 1994 года, падзяліўся меркаваннем аб сустрэчы кіраўніка IIHF Ранэ Фазеля і Аляксандра Лукашэнкі ў Менску з нагоды ЧС-2021 і яго магчымага скасавання ў Беларусі, паведамляе «Трибуна».

Рада IIHF павінна прыняць пастанову што да ЧС-2021 у Менску ў канцы студзеня.

«Ганебнае фота для IIHF. Захапленне набліжэннем да жорсткага дыктатара. ЧС-2021 трэба пераносіць з Беларусі», - напісаў Більт у твітары.