Фінскі горад Лахці афіцыйна прыняў тытул «Зялёнай сталіцы Еўропы»

Тытул перайшоў да горада ад Лісабона.

15 студзеня фінскі горад Лахці афіцыйна стаў Зялёнай сталіцай Еўропы 2021. Гэты тытул перайшоў да яго ад Лісабона, піша euro-pulse.ru.

Журы прысудзіла Лахці перамогу за поспехі ў стварэнні эканомікі замкнёнага цыклу (цяпер у горадзе перапрацоўваецца або паўторна выкарыстоўваецца 97% адкідаў). Асобна быў адзначаны ўклад горада ў аздараўленні возера Весіярві, на беразе якога ён знаходзіцца. У 1970-х гадах Лахці пачаў чысціць возера ад біялагічных забруджвальнікаў і адкідаў цяжкай прамысловасці. Гэта з'явілася штуршком да развіцця экалагічнай экспэртызы ў горадзе. Цяпер Лахці можа пахваліцца самай чыстай вадаправоднай вадой у свеце, яе бяруць з гэтага возера.

Да 2025 года Лахці збіраецца скараціць выкіды парніковых газаў на 80% у параўнанні з узроўнем 1990 года стаць вугляродна-нейтральным горадам (усе выкіды парніковых газаў будуць паглынацца натуральным шляхам).

А да 2050 года ў Лахці плануюць пабудаваць эканоміку без адкідаў. Усё смецце будзе выкарыстоўвацца паўторна, перапрацоўвацца або выкарыстоўвацца для атрымання энэргіі. З 1998 года ў Лахці працуе пашыраная сістэма паасобнага збору адкідаў. Акрамя паперы, кардона і харчовых адкідаў тут асобна збіраюць так званыя энэргетычныя адкіды - рэчы і матэрыялы, якія можна выкарыстоўваць для вытворчасці энэргіі без шкоды для экалогіі.

Тытул «Зялёная сталіца Еўропы» Еўракамісія прысуджае з 2008 года гарадам з насельніцтвам больш за 100 тысяч чалавек.