Украінскія вайскоўцы падняліся ў рэйтынгу самых магутных войскаў свету
9- 16.01.2021, 15:30
- 14,265
Рэйтынг ацэньвае ўзброеныя сілы 138 краін.
Узброеныя сілы Украіны падняліся на два радкі ў спісе самых магутных войскаў свету.
Адпаведны рэйтынг, што ацэньвае 138 краін, штогод складае міжнародная кампанія Global Firepower.
Сёлета ўкраінскія вайскоўцы апынуліся на 25-м месца, паміж В'етнамам і Тайландам. У 2020 годзе УСУ займалі 27-е месца, а ў 2019-м - 29-е.
Першае месца ў рэйтынгу займаюць амерыканскія вайскоўцы, другое - расейцы, а замыкаюць тройку лідараў узброеныя сілы Кітая.
Акрамя іх, у першую дзясятку ўваходзяць таксама Індыя, Японія, Паўднёвая Карэя, Францыя, Вялікая Брытанія, Бразілія і Пакістан.